OLIVO DE ALTOS

A extracción inmediata do aceite á súa recollida por procesos mecánicos garante un produto de calidade superior. Elabórase a partir das oliveiras que creceron nos viñedos de Altos de Torona, en Tomiño (O Rosal), formando parte da biodiversidade deste entorno natural.

Coma o viñedo, o cultivo de oliveiras nesta zona tamén presenta unhas características peculiares debido á súa localización preto do océano Atlántico e do río Miño. A  orientación sur da plantación garante unha boa insolación e unha perfecta maduración do froito.

NOTAS DE CATA

O equilibrio entre o amargo, picante e afroitado deste aceite conflúe nunha harmonía de cores e sabores, onde destacan os aromas a herba fresca e notas de tomateira que lle confire a arbequina en combinación cos matices de folla de figueira da variedade picual.