COLLEITA PROPIA

Desde o ano 1962, en Aceites Abril fomos os pioneiros no sector dos aceites de oliva en Galicia. Co paso dos anos, interesámonos polas raíces que o cultivo da oliveira mostraba ter ao longo e ancho da nosa xeografía e decidimos apostar por potenciar unha tradición que acabou creándonos lazos fortes co rural galego. Dentro deste proxecto colaboramos xa con máis dun cento de produtores que se aventuraron a adentrarse no apaixonante mundo do coidado e cultivo da oliveira na nosa comunidade, tratando de devolver ao noso rural unha árbore milenaria.

Na campaña 2019-2020 procesamos ao redor de 44 toneladas de oliva galega, que acadaron outro novo récord de produción desde que o proxecto comezou a dar os seus primeiros pasos. A gran peculiaridade deste aceite é a gran cantidade de produtores que achegaron a súa colleita. Ata 70 galegos e galegas uníronse a nós e axudáronnos a crear unha coupage que reflicte a rica diversidade de Galicia, imprimindo a esencia de cada microclima e cada substrato da nosa terra nun produto único.

A máxima hixiene no procesado e a recollida temperá da oliva permítennos obter un aceite de oliva virxe extra de excepcional calidade, cuns atributos e aromas que lle outorgan unha personalidade única no mundo. Deste xeito, a tradición na produción, respectando as particularidades do rural galego, dáse a man coa vangarda no procesado para crear un produto do que nos sentimos profundamente orgullosos, porque é, de todos os aceites que producimos e comercializamos, o “máis noso”.

Este zume 100% de olivas galegas presenta unha cor dourada e un carácter inigualable influenciado polo clima atlántico-mediterráneo, xunto a un afroitado intenso e aromático, con toques de pera, améndoa e plátano.

Idóneo para o seu uso en cru, para dar un último toque propio e único a pratos elaborados e tamén moi útil en traballos de repostería.